12 декабрь — Уæрæсейы Федерацийы Конституцийы бон

12 декабрь — Уæрæсейы Федерацийы Конституцийы бон. Уый фæдыл Цæгат Ирыстоны цæрджытæн арфæ ракодта Сергей Меняйло. Республикæйы Сæргълæууæг фæнысан кодта, ацы бæрæгбон кæй нысан кæны нæ паддзахады иудзинад æмæ тых. “Конституцийы бындурыл хъахъхъæд цæуынц гражданинты бартæ æмæ сæрибардзинад, амоны бæстæйы райрæзты стратеги. Йæ домæнтæм гæсгæ, мах аразæм тыхджын æмæ рæстаг Уæрæсе. Абон мах дарддæр кусæм, цæмæй экономикæйы райрæзт, царды хæрзхъæддзинад бæрзонддæр кæной, социалон сферæ æмæ инфраструктурæ рæзой. Нæ архайд – республикæйы æмæ æмткæй адæмы интерестæм гæсгæ!”-, загъта Сергей Меняйло.