20 азы рацыд Цæгат Ирыстоны æхсæнадон организаци “Беслæны мадæлтæ” куы фæзынд, уæдæй

20 азы рацыд Цæгат Ирыстоны æхсæнадон организаци “Беслæны мадæлтæ” куы фæзынд, уæдæй. Æрвылазон пресс-конференцийы ассоциацийы уæнгтæ радзырдтой уыцы рæстæгмæ сæ архайды æмæ цы куыст бакодтой, уый тыххæй. Фыццаджыдæр – арæзт æрцыд æппæтадæмон культурон-патриотон комплекс “Беслан. Школа №1”. Бæстыхайы ма æрцæудзæн ивддзинæдтæ, фæлæ сæ кæндзысты къæпхæнгай. Ныхас цыд террористон акты аххосæгтæ бæлвырд кæныныл дæр. Гæдиаты Анетæйы ныхæстæм гæсгæ, Президент Владимир Путинимæ фембæлды фæстæ сног кодтой теракты хъуыддаг бæлвырд кæныны архайд, фæфылдæр кодтой слестгæнæн къорд. Ныхас ма цыд хъыгдард цы адæм баййæфтой, уыдоны реабилитацийыл. Сæ æххуысы программæ сын аргъæвтой 2030-æм азмæ. Ассоциацийы уæнгты уырны, ацы фарстамæ стыр æргом аздахын кæй хъæуы, уый. Уый тыххæй та хъæуы снысан кæнын закъон, цæмæй ахæм адæмæн лвæвæрд æрцæуа “Террористон акты хъыгдард баййафæджы” ном.