Январы финансон къабазы сæ тыхы бацыдысты цавæрдæр ивддзинæдтæ. Зæгъæм, банктæ ноджы бæстондæр кæсын райдыдтой æхцайы фæрæзтæ æрвитыны операцитæм цæстфæлдахæн митæ ма æруадзыны фæдыл.
Иу ногдзинад та хауы бизнесмæ. 1-æм январæй кæронбæттæн аргъы фæдыл хъалон фæфылдæр уыдзæн 20-æй 22% онг. Куыд раздæр, афтæ 10% льготæйæ спайда кæнæн ис æрмæст социалон ахсджиаг товартæн. Уыдон сты хойрæгтæ, хостæ, медицинон дзауматæ, сывæллæтты товартæ, чингуытæ, газеттæ æмæ журналтæ. Амалхъомтæй хъалонты æнцондæр фæткæй чи пайда кæны, уыдонæн сæ æфтиæгтæ 60-йæ 20 милуан соммæ фæкъаддæр кодтой, уый аргъы фæдыл хъалон фидыны фæдыл. Ивддзинад ма фæбæрæг уыдзæн патентон системæйæ чи пайда кæны, уыдоныл. Уым дæр æфтиæгты бæрц 60-йæ фæныллæгдæр 20 милуаны онг. Уыимæ ма амалхъом кæд 2025-æм азы 20 милуан сомы бакуыста, уæд ын патентæй спайда кæныны фадат нал уыдзæн.
