Бур хуызæй аразгæ интеллект фæнысан кодта рæсыды бынæттæ, сырх хæйттæ та сты иугæнæг уæфтæджытæ. Афтæ программæ иртасы хъыгдард цы хай у, уый. Юрий Шеврикуко ныр афæдз æмæ ‘рдæг кусы фыдрæсыды чырæгтæ тагъд бæрæггæнæг мадзалыл.
Юрий онкологи сдзæбæх кæнынмæ скальпельимæ нæ, фæлæ алгоритмтимæ бацыд. Фæлтæрдджын программист кæддæр райдыдта кæсагдарæн хæдзарадæн нымайæн нейрохызæй. Ныртæккæ зынгæ фæныфсджндæр. Йæ аразгæ интеллект æнæниздзинады сæрыл тох кæны.
Схемæ хуымæтæг у: рынчыны хъаст, йæ уæфтæджы райст, химион буаргъæд, нымæцон хуызист. Дарддæр хъуыддаг программæйы бæрны бакæнынц. Уый уайтагъд æнæхъæугæ цы у æмæ бæстондæр æркæсын цæмæ хъæуы, уыдон адих кæны. Дохтыры æнæниз уæфтæджытыл рæстæг хардз кæнын нал бахъæуы. Зæрдæ кæцытæм æхсайы хъыгдард сты, зæгъгæ, уыдон фæзоны.
Фæлæ дохтыры æхцондзинадмæ фæндаг зын уыд. Медицинæйы иртæстытæ алыхуызон сты. Алы лаборатори дæр æндæр æмæ æндæр таддæгтæ æмæ сканертæй пайда кæны. Хуызистытæ куы фæлурс вæййынц, куы та æгæр ирд. Юрий йæ системæйы сахуыр кодта æмæ ацы хъуыддагыл дæр фæцалх дыууæ бонмæ.
Программæйы тагъд архайд дæр сæрыстырдзинады аккаг у. Раздæр стыр файлæн сахат хъуыди. Юрийы командæ сæрмагонд алгоритмы руаджы къам хайгай бавгæдта, фæлæ йæ аразгæ интеллект æнæхъæнæй æвдисы. Афтæмæй, иртæстæн бахъæуы æрмæст 10 минуты. Программæ та уыцы иу рæстæг кæны 5 иртæсты.
Ныртæккæ системæ æнæаиппæй иртасы рæуджыты æмæ ставд тъанджы рæсыд. Дарддæр — æхсыры рæзынджытæ. Технологи ныридæгæн фæлварынц Пироговы клиникæйы.
Патент райсынмæ курдиат балæвæрдтой. Ныр программæ цас фылдæр хуызистытæ уына, уас “зондджындæр” кæндзæн. Абон низтæ æрыгæттыл арæхдæр райдыдтой тых кæнын æмæ дохтырты ахæм нымæцон æххуыс зæрдиагæй хъæуы.
