Ацы къуыри Цæгат Ирыстоны ацæудзæн профилактикон акци «Уалдзыгон каникултæ». Паддзахадон автоинспекцийы кусджытæ бæрæг кæндзысты, шофыртæ сывæллæттæ ласыны домæнтæ куыд æххæст кæнынц, уый. Сæ зæрдыл сын лæууын кæндзысты, хæдтулгæйы сывæллон ласгæйæ, шофыр йæхи куыд хъуамæ дара, уый. Уыимæ ма, æдасдзинады ронæй пайда кæнын куыд ахсджиаг у, уый дæр.
Мадзалы сæйраг нысан – фæндаггон фыдбылызты нымæц фæкъаддæр кæнын. Шофыртæй уæлдай ма къæрцхъусдæр хъуамæ уой фистæгцæуджытæ дæр.
