22-ӕм июны Дзӕуджыхъӕуы ацыд патриотон акци

22-ӕм июны ӕхсӕвы Дзӕуджыхъӕуы ссыгъд “Хӕсты зынджы ныв”. Инсталляци Фыдыбӕстӕйы Стыр хæсты ордены хуызы равӕрдтой Сӕрибары фӕзы. Йӕ саразынӕн бахъуыд 10 мин цырагъӕй фылдӕр. Нывы дæргъ рауад 10 метры. Мадзал у ӕрвылазон ӕмӕ арӕзт цӕуы 7-æм хатт. Сӕйраг нысан — бӕстӕйы историон рӕстдзинад ӕмӕ хӕзнатӕ бахъахъхъӕнын. Фарон акцийы фӕлгӕты равæрдтой Советон Цӕдисы дыууӕ хатты Хъӕбатыр, ӕфсады инӕлар Плиты Иссӕйы цыртдзӕвӕн. Мадзаларазджытæ – “Иугонд Уӕрӕсе” ӕмӕ “Фыццӕгты змӕлд”-ы активисттӕ æвзонг æфсæддонты ӕмӕ республикӕйы фӕсивӕды хъуыддӕгты комитеты ӕххуысӕй.