Сывæллæтты рæвдауæндон сарæзтой 35 азы размæ æмæ уæдæй нырмæ бындуронæй цалцæггонд никуы уыд. Куыстыты агъоммæ бæстыхайы æййæфтой зындзинæдтæ электрон тых æмæ канализациимæ. Уый аххосæй арæх хъуыд сæрмагонд службæтæм дзурын æххуысы фæдыл. Уымæй уæлдай, объекты бындур раст арæзт нæ уыд, æмбырд дзы кодта дон, куыд фæстиуæг, афтæ къултæ афаз сты, фæхæцыд сыл хъуына.
2007-æм азы бæстыхайы сæр баивтой, æрвылаз рæвдауæндон сæхи тыхтæй цалцæг кодтой, фæлæ сæйраг къуылымпыдзинæдтæн аиуварс кæнын не ‘нтыст. Национ проект “Бинонты” руаджы ацы аз апрелы объект райдыдтой ног кæнын. Специалисттæ агуыри дуры онг ныппырх кодтой зæрон конструкцитæ. Сарæзтой ног, фидар къултæ. Фæфидар кодтой бындур. Сног кодтой пъолтæ æмæ асинтæ, сывæллæтты æдасдзинадæн та сыл æнцойгæнæнтæ.
Уæлдай æргом – инженерон коммуникацитæм. Специалисттæ сног кодтой электрон хызæгтæ, канализаци æмæ хъармгæнæн системæ. Сæвæрдтой ног рудзгуытæ, дуæрттæ.
Сног кодтой рбахизæн къорд дæр. Уæлдай ахсджиаг та ныййарджытæ æмæ хъомылгæнджытæн уыд асинты сæрмæ æмбæрзт.
Сывæллæтты рæвдауæндон эксплуатацийы раттынвæнд кæнынц ацы аз ноябры. Уыцы цаумæ æхсызгонæй æнхъæлмæ кæсынц хъомылгæнджытæ æмæ хъомылгæнинæгтæ.
