5 мониторы æмæ 8 инфузоматы. Республикон клиникон рынчындонæн ахæм æххуыс бакодта хъæууон хæдзарад æмæ хойраджы министрад. Хъæууонхæдзарадон куыстуæттæ æрбангом сты, æмæ æхцайы фæрæзтæй баххуыс кодтой дзæбæхгæнæндонæн. Медицинон кусæнгæрзтæ самал кодтой 3 милуан æмæ 5 сæдæ мин сомы аргъæн.
Реанимацион хайадæн 5 мониторы æмæ 8 инфузоматы. Ахæм æххуыс нæ республикон клиникон рынчындонæн бакодта хъæууон хæдзарад æмæ хойраджы министрад. Кæд ныртæккæ сæ ифтонгад æмбæлгæ æмвæзадыл ис, уæдддæр рынчындонæн дарддæр уыдзысты пайда æмæ æххуыс.
Нæ республикæйы хъæууонхæдзарадон куыстуæттæ æрбангом сты, æмæ æхцайы фæрæзтæй баххуыс кодтой рынчындонæн. 3 милуан æмæ 5 сæдæ мин сомы аргъæн самал кодтой медицинон кусæнгæрзтæ. Рынчыны иумæйаг уавæр бæрæг кæнынæн дохтыртæн сты ахсджиаг. Уазиты Хъазыбег куыд зæгъы, афтæмæй фæнды сæ ахæм æххуыс дарддæр дæр кæнын.
Коронавирусы низы бæрзонд къæпхæны рæстæг Республикон клиникон рынчындонæн баххуыс кодтой бирæ медицинон уагдæттæ. Хъæугæ кусæнгæрзтæ рахай кодта Тагъд æххуысы клиникон рынчындон, Цæгат Ирыстоны онкологон диспансер æмæ районты рынчындæттæ дæр.
Баххуыс кæнынæн æхцайы фæрæзтæ барвæндонæй æмбырд кæндзысты дарддæр. Рынчындоны курдиатмæ гæсгæ, дарддæр æлхæд цæудзысты хъæугæ кусæнгæрзтæ. Зын рæстæг тыхтæ баиу кæнын æмæ низ фесафыны охыл бакусын – ахæм хæс. Сæ размæ æвæрынц хæрзгæнджытæ. Сæ хъуыдымæ гæсгæ, иумæ æвзæр низыл фæтых уыдзысты.
