Специалистты ныхæстæм гæсгæ, эпидемологон уавæр Цæгат Ирыстоны сабыргай хуыздæры `рдæм ивы. Бонæй-бонмæ коронавирусæй рынчынты нымæц къаддæр кæны. «Фæлæ нæ уый ма фæсайæд», зæгъгæ, зæгъынц уыцы иу рæстæг дохтыртæ. Ныртæккæ куы *рынцайæм æмæ санитарон домæнтæ куы нал æххæст кæнæм, уæд тæссаг уыдзæн, эпидеми та ногæй йæ тыхы кæй бацæудзæн, уымæй. Уый хынцгæйæ, бæрнон кусджытæ республикæйы цæрджытæй курынц, цæмæй сæхи хъахъхъæной, дарддæр æххæст кæной Фæлхасгæнджытæм цæстдарды управлени æмæ Æнæниздзинад хъахъхъæныны министрады амынддзинæдтæ. Республикæйы цæрджытæм сидынц, Турчы цæрæг ирæттæ дæр.
Ирон диаспорæйы минæвар Пухаты Жале нын радзырдта ныртæккæ Турчы цы уавæр ис, уый тыххæй. Уым дæр уавæр хуыздæр кодта, фæлæ фыдæнхъæл фесты. Иу суткæмæ дзы коронавирусæй рынчынтæ 1 минæй фылдæр разынд. Хицауад та ногæй карантины фæкт фидар кæны. Пухаты Жалейы хъуыдымæ гæсгæ, уый у æвдисæн.
