540 милуан сомы Цæгат Ирыстоны амалхъомтæн бантыст регионмæ æрбаздахын сæрмагонд механизмы руаджы. Уый тыххæй фехъусын кодта Сергей Меняйло. Сæргълæууæг фæнысан кодта, нæ республикæ кæй ис Цæгат Кавказы федералон зылды республикæтæй æртæ раззагдæр регионы ‘хсæн. Уыцы сæрмагонд механизмы мидис ахæм у — банктæн кредитты ныхмæ гарантитæ дæтты Чысыл æмæ астæуккаг амалхъомады райрæзты корпораци. Баххæст кæнынц кредиты бæрцы 50%. Ацы ногдзинад фæзынд 2021-æм азы. Абон та кусы национ проект “Эффективная и конкурентная экономика”-йы фæлгæты. Ацы æххуысы гæнæнты тыххæй информаци базонæн ис Центр “Мой бизнес”-ы.
