8-æй 16 азы кары онг сывæллæттæн фиддонтæ фидын райдайдзысты майы мæй. Уый тыххæй фехъусын кодта Уæрæсейы хицауады сæрдар Михаил Мишустин.
Æххуыс райсдзысты йæ æфтиæгтæ чысыл кæмæн сты ахæм бинонтæ. Æххуысы пособитæ фидыны системæйыл хъæуы афтæ бакусын, цæмæй паддзахады æххуыс райсой цыбыр рæстæгмæ. Уæрæсейы хицауады æвæстиатæй бакусдзысты президенты уынаффæйыл. Ныхас цæуы социалон фиддонтæ, пенситæ æмæ бюджетон къабазы чи кусы уыдонæн сæ мызд фæфылдæр кæныны фарстайыл. Фæллойы уыимæ финансты министрадтæн Михаил Мишустин бабар кодта хъуыддагыл бæстонæй бакусын.
