Абон бæстæйы бæрæг кæнынц Уæрæсейы Æфсæддон-уæлдæфон тыхты бон

Абон бæстæйы бæрæг кæнынц Уæрæсейы Æфсæддон-уæлдæфон тыхты бон. Бæрæгбоны фæдыл арфæ ракодта сæргълæууæг Сергей Меняйло. Фæбæрæг кодта, не ‘мзæххонтæ бирæ азты дæргъы кад æмæ радимæ кæй службæ кæнынц арвы тыгъдады, Фыдыбæстæ æмæ йæ арæнтæ хъахъхъæнгæйæ. Дзусаты Ибрагим – æфсæддон тæхæг, Советон Цæдисы хъæбатыр. Йæ корпусы тæхджытæ 1945 азы маймæ уæлдæфон тохты æрæппæрстой ныхмæлæууæджы 800 хæдтæхæгæй фылдæр! Советон Цæдисы хъæбатыр Цоколаты Геннадийæн хæсты азты дæргъы уыд 500 æнтыстджын ратахтæй фылдæр. Дауыраты Илитæ сси фыццаг ирон тæхæг Фыдыбæстæйы Стыр хæсты фронтты. Регионы разамонæг ма фæбæрæг кодта, æфсæддон традицитæ кадджынæй кæй æххæст кæны нырыккон хæстон фæлтæр дæр. Цæгатирыстойнаг Максим Стефанов – тæхæг-фæлварæг. Сæрмагонд операцийы рæстæгмæ йæ экипаж ныддæрæн кодта нахмæлæууæджы дæсгай объекттæ. Йæ лæгдзинад æмæ хъæбатырдзинады тыххæй хæссы Уæрæсейы Хъайтары ном. Нæ иннæ æмзæххон – Датиты Алан – Су-27 куынæггæнæгыл иу ратахтмæ ныппырх кодта æртæ нысаны: дыууæ украинаг вертолёты æмæ иу хæдтæхæг. Йе сгуыхтдзинады тыххæй хорзæхджынгонд у Уæрæсейы Фелдерацийы Хъайтары номæй. Сæрыстыр дæн хъæбатыртæй æмæ абон Уæрæсе арвы тыгъдады чи хъахъхъæны, уыдонæй иууылдæр, — бафтыдта Сергей Меняйло.