Нæ республикæ, бæстæ æмæ хæстæг фæсарæнтæй комкоммæ эфирмæ рацæуын. Уый къухы ныр æнцондæрæй бафтдзæн
бынативгæ хæдтулгæйы руаджы. Кусæнгарз сæхи къухтæй æрæмбырд кодтой нæхи дæсны инженертæ, кæд æмæ фылдæр хатт ахæм егъау ифтонггарз цæттæйæ æлхæнгæ бакæнынц, уæд. Бзарты Коля????? у нæ фæскадры хъайтартæй иу. Æрыгон инженер телеуынынады кусы фæндзæм аз.
Уæвгæ, афтæ конд у æппæт телеуынынад дæр. Уацхæсджытæ, редактортæ, оператортæ, режиссертæ, монтажертæ, продюсертæ, инженертæ, гримертæ, администратортæ. Сæ фылдæр арæх дæр кусынц фæскадры. Æвæстиатæй, уыимæ ма зæрдæмæдзӕугӕ æрмæг æдзух цæттæ кæнынц. Йæ хæстæ æмæ йæ куыст иттæг хорз ӕмӕ бирæ азты дӕргъы æвæлайгæйæ чи æххæст кæны, уыцы кусджытæй иу нæ оператор Суанты Алан. Йæ дæсныйады лæггад кæны 20 азмæ ‘ввахс.
Нæ операторты ист æрмæгыл куыст нæ æрлæууы. Уацхæссæг ӕм ныффыссы текст æмæ дарддæр ацæуы монтаж кæнынмæ. Кадртæ кæрæдзиуыл раст æмæ рæсугъд сывæрын Хъотайты Марийæйæн тынг хорз уайы. Нӕ телеуынынады кусы йӕ райдианӕй. Йе сфæлдыстадон цӕстӕнгас æмæ профессионалон æууæлтыл йæ зæрдæ чи никуы сивта, ахӕм. Йæ куыст афтæ тынг уарзы, æмæ æппынæдзух хиуыл архайы, йæ фæлтæрддзинад бæрзонд кæны. Уæдæ йæм ирон хайад, дубляж ма нын скæн, зæгъгæ, курдиатимæ куы бахаты, уæд уым дæр хорз сарæхсы.
Æмæ кæд уырыссагау хабæрттæ рагæй кæсы Мария, уæд иронау дубляж кæны нмæ кæй бахӕсдзӕн йӕ ныфс , уый æнхъæл никуы уыд, зæгъы чызг.
Кусгæ та кæнæм æрмæст афтæ. Ахсджиаг, æхсызгон, хатгай хъыгагæн уæззау цаутæ, культурон мадзæлттæ, политикæ, экономикæ, æхсæнадон къабæзтæ, боныхъæды фæстиуджытæ. Нӕ сæйраг нысан у афойнадыл хæрзхъæд æмæ тæккæ ахсджиагдæр цаутæ рæстдзинады бындурыл фæххæццæ кæнын нæ уарзон телевизормæ кæсджытæм. Уый нын хæссы стыр æхсызгондзинад.
Ам журналистикæйы ад чи базыдта, телевизормæ кæсджыты æгæрон уарзтæй чи уарзы, уыдон сæ куысты бынат баивынмæ нæ хъавынц.
Мингай эфиртæ æмæ программæтæ алхуызон темæтыл. 6 азмæ нæ къухы бафтыд бирӕ уæлахизтæ æмæ æнтыстдзинæдтæ. Афæдзы хатдзæгтæм гæсгæ телеканал Осетия-Ирыстон ис 7 бынаты хуыздæр телеканалты ‘хсæн. Æмæ ууыл æрлæуынмæ нæ хъавæм.
