Гергиты Валерийы фондз азмӕ снысан кодтой Стыр театры генералон директорæй

1.12.2023 19:26

Сæрмагонд бардзырд бафыста премьер Михаил Мишустин.

Гергиты Валерийы фондз азмӕ снысан кодтой Стыр театры генералон директорæй. Сæрмагонд бардзырд бафыста премьер Михаил Мишустин. Гергиты Валерий 1996 азæй у аивадон разамонæг – Мариинаг паддзахадон академион театры директор. Уæрæсейы адæмон артист, аивæдты сгуыхт архайæг, Фæллойы хъæбатыр. Хорзæхджынгонд æрцыд “Фыдыбæстæйы раз лæггæдты” » II, III æмæ IV къæпхæнты орденæй, Александр Невскийы орденæй. Йæ ног куысты бынаты фæдыл ын арфæ ракодта регионы сæргълæууæг Сергей Меняйло. Фæнысан ма кæндзыстæм уый, æмæ Гергиты Валерий æгæрон курдиаты хицау уӕвгӕйӕ ма у хорз разамонæг. Йæ разамындæй Мариинаг театрæн йæ кад фæбæрзонддæр, байгом дзы кодтой ног концертон зал æмæ дыккаг сценæ. Мариинаг театрæн бæстæйы алы регионты фæзынд филиалтæ – Владивосток æмæ Дзæуджыхъæуы. Гергиты Валерийæн йæ зæрдæ зæгъы ног æнтыстдзинæдтæ аивады æмæ разамонæджы бынаты.

Предыдущий материал

Абон телеканал “Осетия-Ирыстон” бæрæг кæны йæ 6 азы бон

Следующий материал

Сергей Меняйло архайдта хъазахъхъæгты хъуыддæгты фæдыл Уæрæсейы Президенты цур советы æмбырды

Читайте также

Все новости