Ахсджиаг цау иуæндæсæм къласы ахуырдзаутæн. Абон Цӕгат Ирыстоны æртæ мин рауагъдонӕй фылдӕр райстой аттестаттӕ. Традицимӕ гӕсгӕ хуыздӕрты схорзӕхджын кодтой Ирон театры. Кадджын мадзалы дыууæ сæдæ æхсæзæй уыдысты сыгъзæрин майданы хицæуттæ, се ‘хсæн Иумæйаг паддзахадон фæлварæнæй сæдæ баллы чи райста, уыдон дæр. Фæсивæдæй бирæтæ фылдæр бæрæггæнæнтæ уыцы иу рæстæг æрæмбырд кодтой цалдæр предметæй. Сæрмагондæй сæ схорзӕхджын кодта Сергей Меняйло. Сӕргълӕууӕг фӕнысан кодта, ахуырдзаутӕ цы фӕндаг рацыдысты, уый ӕнцон нӕу, фӕлӕ сæм разæй æнхъæлмæ кæсы ахсджиаг къӕпхӕн — уæлдæр ахуыргæнæндæттæм бацӕуын ӕмӕ царды æнтыстджын суæвын.
