Абон Уæрæсейы бæрæг кæнынц Сталинграды тохы уæлахизы 83 азы бон

Фыдыбæстæйы Стыр хæсты цыд чи фæивта, уыцы æфсæддон быцæу. Абон Сталинграды бын советон салдæттæ немыцаг фашистты куы ныппырх кодтой, уыцы цауæй рацыд 83 азы. 200 бонæй фылдæр горæт хъахъхъæдтой мингай советон салдаты. Сæ фылдæр баззадысты тохы быдыры. Цæгат Ирыстонæй Сталинграды хæсты архайдта 5 мин адæймагæй фылдæр. Не ‘мзæххонтæ фесгуыхтысты горæт хъахъхъæнгæйæ. Се ‘хсæн инæлар Плиты Иссæ — разамынд лæвæрдта 3-æм гвардион кавалерион  корпусæн. Уый тохы быдыры равдыста æмбисонды æхсардзинад. Хæсты быдыры æнустæм цы æфсæддонтæ баззадысты, уыдоны хъæбатырдзинад рох нæ уыдзæн.