Адæмты хæлардзинады хæдзары уыд Владимир Ивановы чиныджы презентаци

Адæмты хæлардзинады хæдзары уыд Владимир Ивановы чиныджы презентаци, йæ ном — “Дзæуджыхъæуы уынгтыл хъæбатрты нæмттæ”. Æфсæддон-патриотон сери “Адæмы сгуыхтдзинады” у фæндзæм. Мадзал æрбамбырд кодта ахуыргæндты, ветеранты, скъоладзауты, æхсæнадон организациты уæнгты æмæ тыхы структурæты кусджыты. Скъолаты ахуыргæнджытæ бацæттæ кодтой презентацитæ: радзырдтой сæ ахуырадон кусæндæттæ цы уынгтыл сты, уыдон кæй нæмттæ хæссынц, уыдоны тыххæй. Хистæрты ‘хсæн та ерысы хуызы рабæрæг кодтой горæты уынгты истори хуыздæр чи зоны, уый. Æмбырдгонд рауагътой Дзæуджыхъæуы 240 азы кадæн, йæ тираж 300 экземпляры.
Автор æрæмбырд кодта не ‘мзæххонтæ — Фыдыбæстæйы стыр хæсты Хъæбатырты тыххæй радзырдтæ. Чингуытæ байуардзысты скъолатæ, чиныгдæттæ, хицауады оргæнтæ æмæ архивы службæйæн.