Ирон æвзагæй зонындзинæдтæ сбæрæг кæнын. Ахæм гæнæн фæзынд онлайн-тестировани «Æ-тест»-ы руаджы. Мадзал ныр æртыккаг аз бацæттæ кодтой æхсæнадон организаци «Ирон Федераци».
Специалисттæ, сæ сæргъыл филологон наукæты кандидат Куыдзойты Анджелæ, афтæмæй бакуыстой мин фарстайыл. Сты зындзинады æртæ къæпхæнмæ гæсгæ. Архайджыты сæйраг нысан — 25 минутмæ 45 фарстæн дзуапп раттын. Хæслæвæрдтæ æнтыстджынæй цы фыццаг мин адæймаджы сæххæст кæной, уыдон хорзæхгонд æрцæудзысты риуылдарæн нысан «Æ» дамгъæйæ. Уыимæ ма сæрмагонд бæлвырдгæнæнæй. Проекты сæйраг нысан — ирон æвзаг бахъахъхъæнын æмæ парахат кæнын.
Фарон тестировани ацыдысты 5 мин адæймагæй фылдæр. Се ‘хсæн канд нæ бæстæйы цæрджытæ нæ, фæлæ ма сæ зонындзинæдтæ сбæрæг кодтой фæсарæнты дæр. Бафтаудзыстæм ма уый, æмæ мадзал кæй сарæзтой Хетæгкаты Къостайы райгуырды бонмæ. Ацæуæн æй уыдзæн мæйы кæронмæ «Ирон Федераци»-йы официалон сайты.
