Республикæйы районты цæрджытимæ æмбæлынц бынæттон разамонджытæ дæр. Ахæм комкоммæ ныхас у Хицауады хъæппæрис æмæ йæ æххæст кæнынц. Адæмы цы тыхсын кæны, уыцы фарстатимæ æрбацæуынц бæрнон кусджытæм. Иу ахæм фæмбæлд сарæзтой Æрæфы районы. Цæрджытæ сæ райхалинаг фарстатæ фехъусын кодтой районы сæргълæууæг Хидирты Батрадзæн. Æрбацыдысты йæм Цакъоты бинонтæ дæр. Æрæджы сыл æрцыд стыр фыдбылыз. Сæ хæдзар басыгъд. Сæхи амæлттæй рæстæгмæ цæрæн бынат скодтой. Фæлæ уавæртæ æвзæр сты. Ныр æххуысагурæг цæуынц. Нæ уацхæссæг Плиты Хетæг фембæлд Цакъоты бинонтимæ æмæ федта, цы уавæрты сты ныртæккæ уый. Бæлвырддæр – нæ дарддæры æрмæджы.
Зынг фæзынд хæдзары электрон тыхы телтæ заууат уавæрмæ кæй æрцыдысты, уый тыххæй. Рагæй сæ нæ раивтой. Æмæ ныр ахæм фыдблызмæ расайдта. Зынг уай тагъд схæцыд хæдзары къултыл. Арты æвзæгтæ сыхæгтæ куы ауыдтой, уæд фæдисы ратахтысты. Æвæстиатæй фæдзырдтой ирвæзынгæнджытæм. Цакъоты цæрæн бынатæй арт цыбыр рæстæгмæ ницы ныууагъта. Афтæ Егъау зынгсирвæзт рауад æмæ ма дарддæр дæр афæлгæсыд.
Иннæ фыдбылыз æрцæуынæн дæр бирæ нал хъуыд. Зынг ма сыхаг хæдзарыл дæр схæцыд. Йæ сæры хай басыгъд. Фæлæ дарддæр ацæуынæн æй зынгхуыссынгæнджытæ йæ нæ бауагътой.
Цы хæдзар ссудзын нæ бауагътой, уым цалдæр боны цардысты Цакъоты бинонтæ. Сыхæгтæ сын балæггад кодтой. Уæдмæ та Валерий æнæрынцагæйæ кодта кусгæ. Сæ хæдзары сарайæ скодта чысыл агъуыст. Ныр 6 уым цæрынц. Æмæ кæд къуындæг бынат у, уæддæр разы сты.
Ацы хъуыддагмæ куыд фæндыЙы цæстæй чи нæ ракасти, ахæмтæ дæр разынд. Зындзинады рæстæг бинонты фарс æрбалæууыдысты. Сæ бон куыд уыди, афтæ смæ фæкастысты. Цакъоты бинонтæ æххуысагур бацыдысты Æрæфы районы администрацимæ. Уым дæр сын баххуыс кодтой – æхцайы фæрæзтæй. Курдиат ма арвыстой республикæйы сæргълæууæг Битарты Вячеславмæ. Уый сын ныфс бавæрдта арæзтадон æрмæджытæй сæм кæй фæкæсдзæн, уымæй. Ныртæккæ бынонтæ æхцайы фæрæзтæй фæнд кæнынц кусын райдайын. Æрмæджытæ сæм куы æрбаласой, уæд аразынмæ балæудзысты.
Ног хæдзар самайынмæ фæкæсын Цаъкоты бинонтæн иууылдæр цæттæ сты. Æрмæст фадат куы разынид, уæд. бынæттон цæрджытæ иу хъуыдйыл хæст сты – Уымæн гæнæн нæй æмæ кæстæртæ æнæ къонайæ баззайой.
Плиты Хетæг
