Республикæйы скъоладзауæй æмæ студентæй фылдæр фембæлдысты Сæрмагонд æфсæддон операцийы архайджытимæ

Иугонд Уæрæсейы æхсæнадон штабы ацыд “Диалог на равных”, зæгъгæ, мадзал. Дзæуджыхъæуы 50 скъоладзауæй æмæ студентæй фылдæр фембæлдысты Сæрмагонд æфсæддон операцийы архайджытимæ, се ‘хсæн æфсæддон операцийы ветеран, боксæй тренер Белеккаты Давид. Фембæлды фыццаджыдæр æрдзырдтой патриотизмыл, Фыдыбæстæ хъахъхъæныныл, ахуырад райсыныл æмæ дæсныйад равзарыныл. Мадзаларазджыты ныхæстæм гæсгæ, ахæм æмбырдты фæрцы рæзынц фæсивæды æмæ æхсæнадон архайджыты ‘хсæн ахастдзинæдтæ. Ныхас ацæуы хуымæтæг уавæрты: алкæмæн дæр фадат ис хи проект раргом кæнын. Проект царды рауагъта фæсивæды хъуыддæгты комитет. Ахæм мадзæлттæ фæнд кæнынц расидын æппынæдзух, республикæйы алы районты æмæ цæрæн пунктты.