“Æнæмæлгæ полк: хъæбатыртæ нæ фарсмæ сты” акци ацыд Алагиры 5-æм скъолайы

“Æнæмæлгæ полк: хъæбатыртæ нæ фарсмæ сты” акци ацыд Алагиры 5-æм скъолайы. Æппæт кълæсты ахуырдзаутæ, се ‘хсæн кадеттæ, афтæмæй æрæмбырд сты кадджын линекæйы. Сæ къухты сæ хистæрты хуызистытæ, Георгийы лентытæ, Уæрæсейы тырысатæ æмæ дидинджыты бæстытæ. Хæстон зарджытимæ фæсивæд рацыдысты скъолайы кæртмæ. Радзырдтой сæ хъайтарты историтæ, Уæлахизмæ цы стыр æвæрæн бахастой уый тыххæй. Скъолайы директор Хъуппеты Азæ куыд загъта, афтæмæй акци “Æнæмæлгæ полк”-ы архайæн ис 12-æм маймæ. Æхсæнадон транспорты, куысты бынаты, скъолаты æмæ рæвдауæндæтты, раст ма тезгъогæнгæйæ дæр. Сæйрагдæр у иу рæнхъы балæууын нæ сæрибардзинадыл æмæ хъæлдзæг цардыл чи тох кодта, уыдонимæ.