Æппæтуæрæсеон адæмон фронты регионалон хайады уæнгтæ бирæсывæллонджын бинонты `хсæн чи хъомыл кæны, уыцы сабитæн балæвар кодтой Ног азы аргъау. Дзæуджыхъæуы ихын аренæйы сывæллæттæ Митын Дада æмæ Митæимæ къахдзоныгътыл дугъы уадысты. Цинæйдзаг цæстытæ æмæ хъæлдзæг æнкъарæнтæ, уый у фыццаг æвдисæн Ног Азы бæрæгбон кæй рауад, уымæн. Нæ уацхæсджытæ дæр æй федтой. Уазиты Зæлинæйæн ныхасы бар.
Ацы сывæллæттæн Ног Азы бæрæгбон ныридæгæн райдыдта. Ихын аренæ сæхи бакодтой. Боны дæргъы сæ фæлтæрджын инструктортæ ахуыр кæнынц къахдзоныхтыл аив бырын. Кæд уынджы уæлдæфы температурæ 9 градусы хъарм у, уæд ам та æцæг зымæг ралæууыд. Бæрæгбоны заз бæлас дæр ихы сæр тæмæнтæ калы.
Ног азы аргъау сывæллæттæн балæвар кодта æппæтуæрæсеон адæмон фронты уæнгтæ. Сæ фылдæр бирæсывæллонджын бинонты `хсæн чи хъомыл кæны, уыдон сты. Бирæтæ сæ къахдзоныгътыл фыццаг хатт слæууыдысты. Активисттæ бузныг зæгъынц ихын аренæйы разамындæн. Бæрæгбон саразынмæ сæм кæй фæкастысты уый тыххæй.
Фæлмæн мидбылхудт æмæ цинæйдзаг цæстæнгас. Ныййарджытæн сæ сабиты алы азмæлд дæр æхсызгон у. Сæ къам тæ сын исынц. Алкæй дæр хъæддыхæй уырны алы сывæллоны зæрдæ дæр Ног азы диссæгтæ кæй бауырныдтой.
Уæдæ Ног азы бæрæгбон æнæ Митын Дада æмæ Митæйæ нæ фидауы. Уыдон æрбахастой сывæллæттæн зæрдыл дарæн лæвæрттæ. Ног азы дзæкъулты къафеттæ æмæ адджын гуылтæ. Сабитæ сæ кæд æрвылбон дæр уыныц дуканиты тæрхæджытыл уæддæр ныр ноджы адджындæр ты. Бæрæгбон ма аххæсыд сывæллæтты клиникон рынчыдоны медицинон реабилитацийы центрыл. Ам сывæллæттæ сæхиуыл кусынц травмæты фæстæ. Сæ фылдæр Ног азыл сæмбæлдзысты рынчыноны уаты. Æхсæнадон архайджытæ сæ æнæрхъуыдыйæ нæ ныууагътой. Сывæллæттæм саккаг кодтой Митын Дада æмæ Митæ. Заз бæласы алыварс зарджытæ æмæ кæфтытæ. Уыимæ ма адджын лæвæрттæ.
