Цæгат Ирыстон архайы æппæтуæрæсеон рухстауæн акци «Дæ зонындзинæдтæй фæхай кæн». Арæзт у æхсæнад «Знание» æмæ æппæтуæрæсеон адæмон фронты активистты хъæппæрисæй.
Акцийы фæлгæты Алагиры 5-æм скъолайы ахуырдзаутимæ фембæлд Цæгæраты Руслан. Æпæтуæрæсеон адæмон фронты регионалон штабы æмсæрдар, амалхъом адæймаг, Руслан йæхи бафæлвæрдта алыхуызон къабæзты.
Скъоладзаутæн радзырдта йæ профессионалон фæндаджы тыххæй, йæ къухы æнтыстдзинæдтæ куыд бафтыд, уый. Йæ куыстадон фæндаг райдыдта хуымæтæг уæйгæнæгæй.
Фæстæдæр ын бантыст, ирон чъиритæ æнæхъæн Уæрæсейы чи парахат кæны, ахæм хи компани байгом кæнын. 2015 азы та фæзынд проект «Алания продукт». Сси республикæйы националон бренд.
