Кадеттӕ ӕмӕ студенттӕн равдыстой нырыккон пъӕлицӕйы куыст

5.06.2026 19:27

Уазджытӕ федтой кавалерион ротӕ ӕмӕ кинологты равдыстытӕ службӕйы куыйтимӕ. Сӕ бон бацис фыццаг медицинон ӕххуысы дæсныйадæвдисæг ахуыр бабӕрӕг кӕнын дæр.

Уӕрӕсейы пъӕлицӕйы равзæрды бон сбӕрӕг кодтой стадион “Динамо”-йы. Программæйы — сӕрмагонд техникӕ, хӕцӕнгӕрзтӕ ӕмӕ нырыккон сӕрмагонд фӕрӕзты егъау равдыст. Уазджытӕ федтой кавалерион ротӕ ӕмӕ кинологты равдыстытӕ службӕйы куыйтимӕ. Сӕ бон бацис фыццаг медицинон ӕххуысы дæсныйадæвдисæг ахуыр бабӕрӕг кӕнын дæр. Сфæлдыстадон хайæн дзуапп лæвæрдта Мидхъуыддæгты министрады культурон центр, бацӕттӕ кодта концертон программӕ зарджытæ æмæ кæфтытимæ. Абон бæрнад уӕлдай ӕргом здахы фӕсивӕдимӕ куыстмӕ. Уымӕ гӕсгӕ мадзалæн уыд профориентацион мидис дӕр. Æрбахуыдтой скъоладзаутæ, уӕлдӕр ахуыргæнæндæтты ӕмӕ колледжты студенттæ, стӕй Суворовы ӕфсӕддон училищæйы кадетты. Республикӕйы Мидхъуыддæгты министрады скондимæ куысты управленийы хицауы хӕдивӕг, булкъон Алексей Коновалов фӕбӕрӕг кодта — фембӕлды сӕйраг нысан у рӕзгӕ фӕлтӕры барадхъахъхъӕнӕджы дӕсныйадимӕ хӕстӕгдӕр базонгӕ кӕнын. Зӕрдӕ дары, фидӕны фæсивæдæй бирӕтӕ сӕ цард оргӕнты службӕимӕ сбӕттын кӕй сфӕнд кӕндзысты, ууыл.

Предыдущий материал

Проект “Алания. Это земля моя”-йы литературон конкурсмӕ райдыдтой курдиӕттӕ исын

Следующий материал

8-æм июны Уæрæсейы бæрæг кæнынц социалон кусæджы бон

Читайте также

Все новости