Агротуризмы райрæзты Цæгат Ирыстон ис раззагдæрты хыгъды

Агротуризмы райрæзты Цæгат Ирыстон ис раззагдæрты хыгъды. 2025-æм азы Уæрæсейы хъæууон хæдзарады Министрады гранттæ райсыны фæдыл равзæрстой 14 проекты. Ацы аз та республикæ райста 9 гранты, 4 дзы ныридæгæн рæзынц. Уый тыххæй аппаратон æмбырды фехъусын кодта дзуапдæттæг министр Къусраты Алан. Ногиры музыкалон скъолайы райрæзты фæдыл куыстытæ фæцырддæр кодтой. Арæзтад æмæ архитектурæйы министр Атараты Георгийы ныхæстæм гæсгæ йæ афæдзы кæронмæ эксплуатацийы ратдзысты. Дзæуджыхъæуы хæстæгдæр рæстæг райдайдзæн Фæскомцæдисонты парчы рацарæзт. Премьер-министр администрацийæн бабар кодта, мадзæлтты цыдмæ цæст дарын. Ныхас ма кодтой эпидемиологон уавæрыл дæр. Регионы у сабыр. Ивгъуыд къуыри коронавирусимæ баст цаутæ уыдысты 29. Уымæй уæлдай æхснырсæджы миниуджытимæ дохтыртæм чи æрбацыд, уыдоны нымæц дæр фæфылдæр. Уæрæсейы фæлхасгæнджытæм цæстдарды управленийæ сидынц, скъолаты райсомы фильтртæ кæй хонынц, уыцы архайд сарæх кæнын.