1-æм июлӕй Уӕрӕсейы скуыстой биометрион бадзырдтӕ ӕнӕзмӕлгӕ мулкимӕ. Афтæмæй, бӕстӕйы цӕрджытӕн фадат фæзынд фатертӕ фæсаууонмæ ӕлхӕнынӕн ӕмӕ уӕй кӕнынӕн. Хи тыххæй информаци сбӕлвырд кӕнынӕн гӕххӕттын паспорттӕ нал бахъӕудзӕн — фаг уыдзæн биометрион системӕйӕ спайда кæнын, бадзырд та бафыссæн ис электронон къухфыстæй. Фыццаджыдӕр, ногдзинадӕн аргъ скӕндзысты, ӕндӕр регионы цӕрӕнуӕттӕ чи уӕй кӕны кӕнӕ ӕлхӕны, уыдон: бынатмæ сæмбæлыны бӕсты фаг уыдзӕн цыбыр онлайн-бæлвырдгæнæн архайд ацӕуын. Цӕмӕй цӕстфӕлдахджыты фæлитой миты тӕссагдзинӕдтӕ фӕкъаддӕр уой, уый тыххӕй киберӕдасдзинады специалисттæ амонынц ӕнӕзмӕлгӕ мулчы ӕппӕт хицӕуттӕн дӕр бадзырдтӕ регистраци кӕныны бар сӕвӕрын ӕнӕ сӕрмагонд архайдӕй. Ӕмбӕлгæ курдиат бадӕттӕн ис «Паддзахадон лæггæдты» порталы фæрцы, бирæвæрсыг центрмæ фæсидгæйæ, кӕнӕ Росреестры сайты сӕрмагонд кабинетӕй спайда кӕнгӕйӕ. Курдиатыл бакусыны фӕстӕ ӕнӕзмӕлгӕ мулчы фæдыл иумӕйаг паддзахадон реестрмӕ хаст цӕуы сӕрмагонд бӕрӕггӕнӕн. Уымӕй фӕстӕмӕ Росреестр не сразы уыдзӕн бардæттæг документы раивд регистраци кӕныныл, исчи дын дӕ фатер дистанцион хуызы кӕнӕ ӕууӕнкӕй ауӕй кӕнынмӕ куы хъава, уӕд/
