Информацион хӕст — алы гаджеты дӕр. Æрвылбон смартфонтӕм бырсынц мингай мæнг хъусынгæнинæгтæ. Знаг хъавгæ архайы: тауы фӕдис, фæливы ацӕргӕты, фӕсивӕды йӕхимӕ сайы. Раздӕр адӕм æбæрæг знагимæ тох кодтой иугай хъӕстытæ æрвитгæйæ. Фæлæ ныр архайд æппынæдзух сси. Диверсантты ныхмӕ æрлæууыдысты нымæцон хъахъхъæнджытæ.
Телеграм ӕмӕ ВКонтакте-йы ботты фæрцы смартфон мӕнгдзинады ныхмӕ хӕцӕнгарз фесты. Ныр алы адӕймагӕн дӕр йӕ бон у экстремизм кӕнӕ фейктыл бахъаст кæнын. Уый у куысты æргом хай. Фӕлӕ “Кибердружинӕйӕн” ис дыккаг здӕхт — сусӕг ӕхсӕнад. Ацы нымæцон спецназмӕ бахауын зындæр у. Йæ архайджытæ иууылдӕр ацӕуынц ӕвзӕрстытæ ӕмӕ сӕрмагонд ахуыртæ.
“Кибердружинӕйы” ӕхгӕд къорд кусы комкоммӕ тыхы структурæтимæ. Пайда кӕнынц OSINT-сгарæгæй — информаци агурынц ӕмӕ иртасынц. Бархионтæ тӕссаг хъусынгæнинагыл куы сæмбæлынц, уӕд уайтагъд бӕрӕггӕнӕнтӕ раттынц оперативон кусджытӕм. Уыдон каналтӕ æвæстиатæй сӕхгӕнынц. Фӕлӕ хатгай хызы хӕст свӕййы ӕгӕр ӕгъатыр.
Проекты архайджыты ныхӕстӕм гӕсгӕ, инфооперациты центртӕ ныртӕккӕ архайынц Цæгат Кавказы адæмты кæрæдзи ныхмæ скæныныл дæр. Ноджы ма знаг æрвиты мӕнг хъусынгӕнинӕгтӕ скъолатӕ ӕмӕ рынчындӕтты рæмудзæнты тыххӕй. Архайы мæнг фӕдис расайыныл. Фӕлӕ Цӕгат Ирыстоны ИТ-специалисттимӕ нымæцон арӕнтӕ хъахъхъӕнынмӕ сыстынц хуымӕтӕг цæрджытæ дæр.
Куысты ахадындзинад комкоммӕ баст у тагъдадимæ. Активисттӕ куыд зӕгъынц, афтӕмӕй сын Уӕрӕсейы интернет-платформӕтӕ кӕддӕриддӕр баххуыс кӕнынц. Арӕх иу хъаст дæр фаг вæййы, цӕмӕй тӕссаг ӕрмӕг фесӕфа хызӕй, уымæн. Мӕнг информаци агурыны механикӕ хуымӕтӕг у. Алы адӕймагӕн дӕр ӕнцонвадат — ӕнӕ техникон фæзилæнтæй.
Уыцы иу рӕстӕг Адӕмон фронт бакуыста уæлдæфон хъахъхъӕнынадыл дæр. Нырыккон дронтæ тӕхынц тынг ныллӕг. Нӕ сӕ уынынц хатгай хуымӕтӕг радартӕ. Зындзинадыл сӕмбӕлдысты ӕгас бӕстӕйы. Ахадгӕ мадзал сси уæлæфтуан “Радар.НФ”. Ныртӕккӕ хи дронтæн тӕхыны бар нӕй. Уӕлдӕфы цыфӕнды ӕбӕрӕг объект дӕр тӕссаг у. Æмæ алы адæймагæн дӕр йӕ бон у координаттӕ адæттын хъахъхъæынады тыхтæм.
Райгуырӕн бӕстӕ бахъахъхъӕнын алкӕй бон дӕр у. Уый тыххӕй фаг у Адӕмон фронты Фӕсивӕды офисмӕ ӕрбацӕуын, кӕнӕ та телефоны чат-бот скусын кæнын. Ӕдасдзинад — нæхи къухты.
