Ахуыргæндты æмбырд

Уæрæсейæ æмæ фæсарæнтæй ахуыргæндтæ æрдзырдтой наукæты ахсджиаг фарстатыл. Всеволод Миллеры номыл æппæтдунеон кæстытæ 6-æм хатт райдыдтой Дзæуджыхъæуы. Специалисттæ æрцыдысты алы регионтæй. Архайдтой дзы Уæрæсейы наукæты академийы, Дунеон литературæйы институты, Кавказы республикæты зонадон академиты ахуыргæндтæ, Кавказиртасджытæ Хъæрæсе-Черкесийæ æмæ Донецкæй. Фембæлды рæстæг æрныхас кодтой мифологи, фольклор, этнологи, археологи æмæ æвзагзонынадыл. Ахуыргæндты ныхæстæм гæсгæ, Кавказы æвзæгтæ кæрæдзимæ хæстæг сты, æмæ сæ иртасæн куыст тынг нæ хицæн кæны. Æмгуыстады фæрцы та æнцондæр вæййы бирæ фарстатыл бакусын. Ахæм конференциты рæстæг ма фадат вæййы иумæ сæрмагонд фарстатыл бакусынæн, стæй зонадон къордтæ скæнынæн.