Хетæгкаты Къостайы поэмæ «Фатимæ»-йы экранизацийы юбилей абон сбæрæг кодтой Беслæны Культурæйы галуаны. Мадзал арæзт æрцыд æппæтадæмон фестиваль «Тропой Галати»-йы фæлгæты.
Фестиваль снысан кодтой композитор Галаты Барисы кадæн. Уый кинонывæн ныффыста музыкæ. Культурæйы галуаны æрæмбырд сты, Барисы дæсныйадæн чи аргъ кодта æмæ йæ чи уарзта, уыдон. Уазджытæн равдыстой, «Фатимæ»-йы экранизациимæ баст чи уыдис, уыцы документалон кинонывтæй скъуыддзæгтæ. Уæ зæрдыл уын æрлæууын кæндзыстæм, киноныв адæмы `хсæнмæ рацыд 60 азы размæ. Ахæм фестиваль ма сараздзысты Æрыдоны дæр.
