Туг радтын æмæ афтæмæй хорздзинад ракӕнын. Тугдæттæн станцæйы ацыд доноры акци. Мадзаларазджытæ — хæрзаудæн фонд «Быть добру» æмæ «Молодёжка ОНФ». Æмбисбонмæ туг радтой 50 адæймагæй фылдæр. Эпидемиологон уавæр хынцгæйæ, донорты туг тынг хъӕугӕ у, нæ фаг кæны.
Процедурæйы размæ бархионты æнæниздзинады уавæр бæрæг кодтой дохтыртæ. Уыимæ ма, донортæн бацæттæ кодтой викторинæ æмæ Ног азы лæвæрттæ. Фæнысан кæндзыстæм, доноры акци кæй цæуы Æппæтуæрæсеон акци «Мы вместе»-йы фæлгæты.
