Алагиры, Фарныхъæуы, Толдзгуны æмæ “Майрæмадаг”-ы дондзæуæн хызтæ суыдзысты республикæйы исбон

15.10.2024 20:24

Уыимæ ма Горæтгæрон районы канализацион æмæ дондæттæн 129 объекты.

Алагиры, Фарныхъæуы, Толдзгуны æмæ цæхæрадæтты æмхæларад “Майрæмадаг”-ы дондзæуæн хызтæ суыдзысты республикæйы исбон. Уыимæ ма Горæтгæрон районы канализацион æмæ дондæттæн 129 объекты. Бакæндзысты сæ дондæттæн æмæ донуадзæн республикон куыстуаты бæрны. Ахæм уынаффæ рахастой хицауады æмбырды, арæзт æрцыд Дзанайты Барисы разамындæй. Фидæны аз 100 милуан сомæй фылдæр радих кæндзысты медицинон кусæндæтты бындурон цалцæгæн программæ “Модернизация первичного звена здравоохранения” программæйы фæлгæты. 2026-æм азы та пульмонологон æххуысы республикон центры рацарæзтæн рахай кæндзысты 15 милуан 789 мин сомы. Хицауады уæнгтæй снысан кæндзысты инновацион архайды наукон-техникон райрæзты фæдыл совет. Йæ сæйраг хæсты ‘хсæн – æххæстгæнæн хицауады оргæнты æмæ æхсæнадон организациты иумæйаг архайд, инновациты къабазы иугондты продукцийы парахат.

Предыдущий материал

Сæйраг парчы культурæйы хайад Къостайы райгуырды бонмæ бацæттæ кодта концертон программæ

Следующий материал

Хетæгкаты Къостайы райгуырды 165 азы бон сбæрæг кодтой Джызæлы скъоладзаутæ

Читайте также

Все новости