Аппаратон ӕмбырды æрдзырдтой бензигы лимиттӕ, Алагиры дон сыгъдӕг кӕнын ӕмӕ скъолаты ахуыры азмӕ бацӕттӕ кӕныныл

Бензин нырма нӕй ӕлхӕнӕн, цас дӕ фӕнды, уыйбæрц. Лимиттӕ нæ аивтой: æртын литры рог хӕдтулгӕтӕн ӕмӕ фæндзай — уӕзласӕн машинӕтӕн. Уый хыгъд артаг ласыны хъуыддаг у æнӕфӕцудгӕ, рӕстӕмбис аргъ та — фынддæс – ссæдз проценты къаддӕр сыхаг регионтӕй. Аппаратон ӕмбырды æрдзырдтой Алагиры доны хӕрзхъӕддзинады уавæрыл дæр. Лæбырдтыты фæстæ февзӕрдӕр. Æмæ йе ссыгъдӕг кӕнынӕн горӕты ныридӕгӕн сӕвӕрдтой уӕлӕмхасӕн ифтонггарз. Ныхас ма цыд регионы разамонæг Сергей Меняйло æмæ Хуссар Ирыстоны президенты хӕстӕ ӕххӕстгӕнӕг Хъамболты Мараты фембӕлды хатдзæгтыл. Сӕйраг темӕ — фидӕны ӕвзӕрстытӕ. Хуссар Ирыстоны байгом кӕндзысты цыппар ӕвзарӕн хайады. Æххӕстӕй сæ сифтонг кӕндзысты техникон фæрæзтæй. Æмбырды æркастысты ахуырады фарстатæм дӕр. Регионмӕ ӕрбаластой æртын мин ног чиныгæй фылдæр истори ӕмӕ ӕхсӕнадзонынадӕй. Ноджы скъолатӕ ӕнхъӕлмӕ кӕсынц æхсай дыууæ мин ног чиныгмæ ирон ӕвзаг ӕмӕ литературӕйӕ. Ахуыры азмӕ дарддӕр цæттæ кæнынц. Ныртӕккӕ фынддæс скъолайы фӕуд кӕны бындурон цалцӕг.