Цӕгат Ирыстоны 1,5 мин скъоладзауы архайынц спортивон хъӕбысхӕстӕй проект “Борьба в школы”-мæ гӕсгӕ

Цӕгат Ирыстоны мин ӕмӕ ӕрдӕгӕй фылдӕр скъоладзауы архайынц спортивон хъӕбысхӕстӕй проект “Борьба в школы”-мæ гӕсгӕ. Уый тыххæй йæ телеграм-каналы фехъусын кодта республикӕйы сӕргълӕууӕг Сергей Меняйло. Сывӕллӕттӕ æппынæдзух архайынц фӕлтӕрдджын тренерты разамындӕй. Пайдайаг хъæппæрис ӕххӕст кӕнынц Уӕрӕсейы спортивон хъӕбысхӕсты федерациимӕ иумӕ. Уымæй уæлдай, хауы “Иугонд Уӕрӕсе”-йы партион проект «Выбор сильных»-мæ. Регионы разамонæг куыд фӕбӕрӕг кодта, афтӕмӕй спортивон хъӕбысхӕст у Ирыстоны историйы ахсджиаг хай. Тыхджын кӕны удыхъӕд, уæлахизмæ тырнындзинад. Бафтыдта, проект рæзгæ фæлтæрæн кæй суыдзӕн стыр æнтыстытæм фыццаг къахдзӕф.