Архонкæйæ Дзуарыхъæумæ фæндаг æрцыд æмбæлгæ уавæрмæ. Ныр дзуапп дæтты æппæт нырыккон домæнтæн. Фæндаджы уæлцъарæй разыйæ баззад Цæгат Ирыстоны фæндæгты хæдзарады разамонæг Солиты Тариэль.
Кусджытæ баивтой бетонæй конд уæлцъар, базылдысты фæндаггæрæттæм, уыимæ дзы фæзындысты ног фæндаггон нысæнттæ æмæ хæххытæ. Комитеты куыд фæнысан кодтой, афтæмæй аккаг уавæры фæндаг хорзырдæм фæзындзæн уæзласæн хæдтулгæты цыдыл, транспортон хæрдзтæ æмæ экономикон бæрæггæнæнтыл. Куыстытæ æххæст кодтой «Æдас æмæ хæзхъæд автомобилон фæндæгты» национ проекты фæлгæты.
