Арвыкомы фæндаг дыууæ боны бæрц уæзласæн хæдтулгæтæн æхгæд у

Арвыкомы фæндаг дыууæ боны бæрц уæзласæн хæдтулгæтæн æхгæд у. Уый Гуырдзыстоны ‘рдыгæй боныхъæд кæй февзæрдæр, уый тыххæй. Хъуыддагыл ныхас цыд аппаратон æмбырды. Арæны сæрты ахизынмæ республикæйы рады лæууынц транзитон транспорты 740 иуæджы. Уыдонæй 450 сты лæвар æрлæууæн бынаты. Сергей Меняйло бабар кодта шофыртæн хъармгæнæн пункттæ саразын. Æмбырды дзырдтой тæвддæттæн рæстæгыл дæр. Ныртæккæ æппæт цæрæнбынæттæ дæр хъарм кæнынц, Владикавказская æмæ Весенняя уынгтыл бирæуæладзыгон хæдзæрттæй уæлдай. Уавæр иуварс кæнынц ныртæккæ. Сæргълæууæг дзуапдæттæг бæрнæдтæн загъта, цæмæй æрвылбон аразой æмбырдтæ. Разамынддæттæг куыстуæттæ та хъуамæ дæттой æххæст информаци. Дарддæр — эпидемиологон уавæр. Специалистты ныхæстæм гæсгæ, нырма нæ ивы. Карантины сæхгæдтой æрмæст иу къорд сывæллæтты рæвдауæндоны. Куыд ма рабæрæг, афтæмæй 20 ноябры тæрхондоны ацæудзæн Офицерты хæдзары фæдыл радон æмбырд. Фæстаг уыдзæн æви нæ, уый бæрæг нæма у. Йæ цалцæгæн бюджетмæ фæрæзтæ бахæссын бабар кодта Сергей Меняйло. Раздæр ма куыд хъусын кодта, афтæмæй дзы фæнд кæнынц федералон нысаниуæгимæ культурон бынты объект саразын.