Атарты Георгий фембæлд “Иугонд Уæрæсе”-йы бархионтимæ

“Иугонд Уæрæсе”-йы бархионтæ гуманитарон нысанимæ Дзæуджыхъæуæй ацыдысты Курскмæ. Фæсивæды афæндараст кодтой æхсæнадон æххуысы штабæй. Балцы размæ æрыгон адæмимæ фембæлд хицауады сæрдары фыццаг хæдивæг Атарты Георгий. Курскы облæсты “Иугонд Уæрæсе”-йы сæрдар, Дмитрий Медведев æмæ генералон советы секретарь Владимир Якушевы бардзырдмæ гæсгæ, равæрдзысты цатыртæ. Дыууæ къуырийы бархионтæ бынæттон цæрджытæн æххуыс кæндзысты сæ хæдзæрттæ сног кæныны хъуыддаджы. Хæрзгæнджытæ архайдзысты гуманитарон центртæ æмæ рæстæгмæ цæрыны пункттæ нывыл кæныны куысты дæр. Ахæм архайд æппынæдзух арæзт цæуы “Иугонд Уæрæсе”-йы адæмон программæйы фæлгæты. Йæ сæйраг нысантæй иу – сæрмагонд æфæддон операцийы архайджытæн æмæ бæстæйы арæнтæм хæстæг территориты цæрджытæн æххуыс.