Цæгат Ирыстоны паддзахадон автоинспекцийы кусджытæ Дзæуджыхъæуы 42-æм скъолайы ахуырдзаутæн сарæзтой «Æдасдзинады къуыри». Инспектортæн хъæугæ æххуыс бакодтой хистæр кълæсты ахуыргæнинæгтæ.
Акцимæ æрбацыдысты Мидхъуыддæгты министрады ветерантæ дæр. Фистæгцæуджыты хæстæ скъоладзаутæн æмбарын кодтой хъæзтыты хуызы. Уыимæ автоинспекцийы кусджытæ сывæллæтæн бамбарын кодтой, фæндаггон нысæнттæн цы ахадындзинад ис, уый. Радзырдтой сын горæты уынгты хи дарыны `гъдæуттæ. Ахæм акци Фæндаггон æдасдзинады паддзахадон инспекцийы фыццаг хатт нæ сарæзтой. Сабитæ кадджын уавæры дзырд радтой, сæхи хорз кæй дардзысты горæты фæндæгтыл, домæнтæ куыд амонынц. Нæ ферох сты горæты хæдтулгæты шофыртæ дæр. Æдасдзинады инспектортæ сывæллæттæм фæсидтысты, цæмæй фæндæгтыл цæугæйæ уой къæрцхъусдæр, уæлдайдæр та ахуырадон кусæндæтты цур.
