Театры азæн кæронбæттæн скодтой Цæгат Ирыстоны. Паддзахадон университеты концертон залы сценæйыл аивæдты факультеты æмæ ирон драмон театры актертæ адæмы рæгъмæ рахастой спектакль «Ромео æмæ Джульеттæ».
Адæмæй дзы къух бакæнæн нæ уыд. Ацы спектаклæй байгом кодтой 3-æм январы, театры аз. Уыцы рæстæджы æмгъуыдмæ актертæ трагеди равдыстой 20 хаттæй фылдæр. Уыимæ, канд Дзæуджыхъæуы нæ, фæлæ Уæрæсейы иннæ регионты дæр. Аккаг аргъ сын скодтой Хуссар Ирыстоны дæр. Сезоны кæронмæ мадзал аразджытæ бацæттæ кодтой аивæдты колледжы студентты нывты равдыст. Уæ зæрдыл уын æрлæууын кæндзыстæм, 2019 аз Уæрæсейы нысангонд у куыд Театры аз. Цæгат Ирыстоны ацыд æнтыстджынæй.
