Беслæны хауæццæгтæ æмбырдгæнæнтæ ныр уыдзысты “Республикон донхæццæгæнæн æмæ дондзæуæн куыстуаты” бæрны.
Сарæзтой сæ 2007-æм азы. 2020-æм азы та сæ бындуронæй рацарæзтой, фæлæ сæ афтæ дæр не скусын кодтой. Ныр сæм специалисттæ бæстон æмæ лæмбынæг æркастысты. Цух æййафынц кусæнгарзæй. Хæтæлы кæцыдæр хай та станцæмæ иугонд дæр нæу. Административон бæстыхайы та фыццæгæм уæладзыг æмæ ныккæнд доны бын фесты. Хæстæгдæр рæстæг æппæт хъæндзинæдтæ дæр аиуварс кæндзысты. Дондзæуæнтæ та сыгъдæг кæндзысты къæпхæнгай.
