Беслæны райрæзты генералон пъланмæ гæсгæ горæты аразынц музыкалон скъола. Ныртæккæ цæттæ кæнынц объекты бындур. Æрвылбон дзы кусынц 20 специалисты.
Проект хуымæтæг нæу. Уыдзæн дзы æмбырдтыты зал 160 бынатæн æмæ ахуыртæн 24 къласы. Бæстыхайы фæзуат – 2 400 квадратон метры. Йæ алфамблай цы кæрт уыдзæн, уый сараздзысты музыкалон сӕйраг нысаны хуызы. Суанг ма хæдтæхæгæй дæр зындзæн уыцы нысан.
