Дудиаты Маринæ æмæ йæ сыхæгтæ хур бонтыл цин фæкæнынц. Уататы Бибойы номыл уынджы сæ хæдзары кæрт уарынты рæстæг донæй байдзаг вæййы. Йæ æмвæзад ахæм бæрзонд вæййы æмæ суанг хæдзæрттæм дæр бакæлы.
Сылгоймаг куыд зæгъы, афтæмæй уавæры сæйгар аххосаг у фæндаг бæрзонд кæй у, уый. Уалдзæджы сын рацарæзты рæстæг зынгæ фæуæлдæр. Сыхы цæрджытæ мæй размæ курдиатимæ бацыдысты бынæттон администрацимæ. Æрæджы та Дудиаты Маринæ фæсидт Адæмон фронтмæ дæр.
Фæндаг цалцæг кæнынц Беслæны райрæзты генералон пъланы фæлгæты. Адæмон фронты активисттимæ бынатмæ ацыдысты администрацийы минæвæрттæ дæр. Сæ ныхæстæм гæсгæ, ам фæндаг хуымæтæг нæу. Специалисттæ зæрдæ æвæрынц, куыстытæ куы сæххæст кæной, уæд уавæр хорзы ‘рдæм аивдзæн æмæ дон хæдзæрттæм нал кæлдзæн.
Арæзтады проектмæ хъæуы ногæй æркæсын цæрджыты фиппаинæгтæ хынцгæйæ. Адæмон фронты активисттæ курдиат арвитдзысты Беслæны администрацимæ.
Уавæры тыххæй администрацийы зонынц, зæрдæ бавæрдтой баххуыс кæнынæй. Бынæттон цæрджыты та уырны Адæмон фронты æххуысæй фарста тагъддæр лыггонд кæй æрцæудзæн, уый. Æппæт куыстытæ дæр фæуынвæнд кæнынц фæззæджы.
