Бирæсывæллонджын ныййарджытæн ног хуызы банымайдзысты фæдзæхстадон пенсийы фиддонтæ

Дарддæр хæццæ кæнæм нæ равдыст. Социалон фонды курдиæттæ исынц 5 сывæллонæй фылдæр цы мадæлтæн ис, уыдонæй, сæ пенсийы фæдзæхстадон хай ногæй банымайыны фæдыл. Ацы аз йæ тыхы бацæудзысты закъонмæ ивддзинæдтæ. Уыдон хынцгæйæ цотмæ кæсыны рæстæг дæр нымайынц фиддонтæ нысан кæнгæйæ. Фæндзæм, æхсæзæм æмæ иннæ сывæллæттæн сылгоймагæн нысангонд æрцæудзæн стаж æмæ пенсион коэффицент дæр. Æрмæст алы сабиимæ дæр декреты ‘мгъуыд афæдз æмæ ‘рдæгæй къаддæр хъуамæ ма уа. Фыццаг сывæллонæн коэффицент у 2,7, дыккагæн – 5,4, æртыккаг æмæ иннæтæн та – 8,1.