Нæ республикæйы сæргълæууæг Битарты Вячеслав фембæлд Цæгат Ирыстоны аивæдты сгуыхт кусæг, Хетæгкъаты Къостайы номыл Премийы лауреат Бекъойты Розæимæ. Ныхас кодтой республикæйы театралон аивады райрæзты тыххæй. Битарты Вячеславы ныхæстæм гæсгæ æрыгон театрдзаутæн хистæр кары дæснытæ сты дæнцæгæн хæссинаг.
Бекъойты Розæ куыд фæнысан кодта, афтæмæй ирон театры сценæйы æвæрд спектакльтæ дисы фтауынц адæмы алкæддæр. Уымæн та хорз хъомыс у аивадон къорды куыст. Куыд ма загъта, афтæмæй театр цæры йæ аивадуарзджыты фæрцы. Ныхасы фæдыл Бекъойы Розæ раргом кодта йæ хъуыдытæ, цæмæй ацы къабазы куыст хуыздæр цæуа. Республикæйы сæргълæууæг ма бафтыдта, ирон æвзаг æмæ культурæйы райрæзты театр ахсы стыр æмæ ахадгæ бынат.
