Ацы муры уæз 250 граммы у. Уырытыл 4 мæйы куы сæххæст вæййы, уæд сыл иртæстытæ кæнын райдайынц. Рыст нæ бамбарыц æппæт архайд цæуы наркозимæ. Фæлæ цæрæгойтæн нæмттæ дæттын æмæ æнкъарæнтæ æвдисыны бар нæй. Уый тыххæй æмæ бахъуаджы минут ахуыргондæн мыстмæ йæ къух сисын нæ бакомдзæн.
Кафедрæйы доцент Давид Оганесян фæстаг иртæстытæ хæрз æрæджы скодта. Уæд ма диссертацийыл куыста. Равзæрста республикæйæн актуалон темæ. Уæззау згъæрты ахадындзинад зæрдæйы æмæ дадзинты системæйыл. Профилактикæйы гæнæнтæ туджы кальцийы æмвæзад хынцгæйæ. Хуымæтæг адæймагæн зын бамбарæн сты, фæлæ хъуыддаджы зынæй ницы ис. Цæгат Ирыстоны бирæ азты куыста “Электроцинк”. Æвзæр буаргъæдтæй атмосферæ байдзаг, мæры сæмбырд сты. Æмæ куыд фæстиуæг адæймаджы оргинизмæ бахаудысты.
Цух кæнгæйæ куыстыл бахъуыд 8 азы. Фæлæ фæстаг æртæ азы, зæгъæн ис, æмæ кафедрæйы цард. Ахæм рæстæг уыд æмæ лабораторийы агъуысты æхсæвиуат кодта, цæмæй сæумæрайсомæй кусын райдайа. Ацы архайд у дæргъвæтин æмæ зын, фæлæ йæ фæстиуæг наукон æмæхсæнад диссертаци хорзыл банымадтой. Давид та рамбылдта Цæгат Ирыстоны сæргълæууæджы преми.
Давид равдыста, туджы кальцийы бæлвырд бамбырды фæрцы кобальт æмæ цинк къаддæр зиан æрхæссынц. Лыстæгдзинæдтæ дзы бирæ ис. Сæ равзарынимæ йын баххуыс кодта йæ наукон разамонæг. Сæргълæууæджы премимæ курдиат дæр уый амындзинадмæ гæсгæ балæвæрдта. Ныртæккæ ацы къабазы рæзы, фæлæ иртасы æндæр æууæлтæ дæр.
Давид йæ диссертаци хъахъхъæдта Хъырымы. Къамис ын йæ куыстæн стыр аргъ скодта, фидæны йæ раиртасыны хъуыды дæр сæм фæзынд. Ахуыргæндтæ фæнд кæнынц къабазы райрæзтыл кусын, зæрдæйы æмæ дадзинты системæйы профилактикæйы ног гæнæнтæ агурын.
