Нырыккон домæнтæн дзуапп чи дæтты, ахæм концертон зал 400 адæймагæн. Аивадуарзджытæм æнхъæлмæ кæсынц сфæлдыстадон изæртæ, ирд æмæ цымыдисаг равдыстытæ. Дигорайы аразынц культурон центр. Бынæттон цæрджытæ ацы цины хабармæ рагæй æнхъæлмæ кастысты. Бæстыхайы æрбынат кæндзæн чиныгдон дæр.
Ам уæзисæн машинæйы уынæр ӕппындӕр не`нцайы. Ныридæгæн фидæны культурон рæзты центры бындур у цæттæ. Арæзтадон фæзуатыл фæллой кæнынц 20 кусæджы æмæ техникæйы 10 иуæджы. Центр аразын райдыдтой июны райдиан. Проектмæ гæсгæ ам уыдзæн дыууæуæладзыгон арæзтад, 400 бынаты кæм уыдзæн, ахæм концертон залимæ. Æххæст уыдзæн, нырыккон домæнтæн дзуапп чи дæтты, ахæм кусæнгæрзтæй. Уымæй уæлдай ма дзы уыдзæн дæлхæдзар уæладзыг æмæ пъадвал. Уæвгæ, ацы цалцæггæнæн куыстытæм канд Дигорайы цæрджытæ нæ, фæлæ æппæт районы минæвæрттæ дæр тынг зæрдиагæй æнхъæлмæ кастысты.
Уымæй уæлдай ма, ам æрбынат кæндзæн районы чиныгдон дæр. Йæ хæзнадоны ис 50 мин чиныгмæ хæстæг. Ныридæгæн уал чингуытæ рæстæгмæ сты музыкалон скъолаты уæтты. Ног бæстыхайы фæрцы фæзындзæн гæнæн проект «Модельные библиотеки» -йы бацархайын æмæ ног кусæнгæрзтæн балхæнынæн грант рамбулын. Культурон рæзты центр аразынц паддзахадон программæ «Культурæйы рæзт»-ы фæлгæты. Пъланмæ гæсгæ куыстытæ фæуыдзысты фидæны аз декабры.
