Донæй æфсадæг куыстуаты пайдагæнджытæн лæггæдты ног центр байгом кодтой Къостайы проспекты. Бынаты кусы 9 специалисты, абоненттæн сæ бон у цæрæнуæтты-коммуналон хæдзарады лæггæдтæн бафидын: электрон тыхæн, бындурон цалцæгæн, уазал донæн. Ног бæстыхайы ис хицæн адæмы лæггæдты, дон хардз кæныны æмæ йæм цæстдарды, стæй юридикон бæрнондзинад кæуыл ис, ахæм адæмæн æххуысы хайæдтæ.
Ног пункты фæрцы фæрогдæр уыдзæн Пушкинская уынджы абонентон хайады куыст, уым æппынæдзух вæййы бирæ фæлхасгæнджытæ. Æмткæй республикæйы 2026-æм азы кæронмæ байгом кæндзысты 25 офисæй фылдæр.
Уæ зæрдыл уын æрлæууын кæндзыстæм, тарифты регионалон службæ скодта æрвылазон индексаци, Ацы аз 1-æм июлæй снысан кодтой ног тарифтæ. Сидынц, цæмæй хыгъды гæрзты бæрæггæнæнтæ радтой 25-æм июньмæ, уæд цæрæнуæтты-коммуналон лæггæдтæ зæронд тарифтæм гæсгæ фыст æрцæудзысты.
