Уæрæсемæ ралидзæг адæмы нымæц Украинæ æмæ Донбассæй сси 472 мин адæймаджы. Уыдонæй 100 мины чысыл цухæй сты сывæллæттæ. Цæгат Ирыстон ныридæгæн суазæг кодта 177 адæймаджы. Аразынц сын æппæт хъæугæ уавæртæ дæр. Зæгъæм, скъоладзаутæ ахуыр кæнын райдыдтой республикæйы скъолаты. Сифтонг сæ кодтой хъæугæ дзауматæ æмæ кусæнгæрзтæй. Сабитæ цæуынц рæвдауæндæттæм.
Цæгат Ирыстоны дарддæр æмбырд кæнынц гуманитарон æххуыс Донецк æмæ Луганскы республикæтæм аласынмæ.
