Доны куыстуат дарддæр ног кæны Горæтгæрон районы коммуналон системæтæ. Хызæгты æстай проценты хорз уавæры нал сты, иуæй-иу хæтæлтæ — æвдай азы размæ æвæрд. Фарста иуварс кæнынц къæпхæнгай. Аразынц скважинæтæ, ивынц кусæнгæрзтæ. Дыууæ азæй къаддæрмæ куыстуаты специалисттæ сæвæрдтой ног донуадзæны дыууæ мин метрæй фылдæр, иу мин авд сæдæ метры та бивтой зæронд.
Разæй ма бирæ куыст ис. Дачнæйы хъæуы рацаразын хъæуы скважинæтæ, Алханчурт æмæ Михайловскæйы баивын донуадзæн системæтæ. Цæгат Ирыстоны коммуналон инфраструктурæ ног кæнынц Цæрæн-коммуналон хæдзарады райрæзты пилотон проекты фæлгæты.
