Доны куыстуаты специалисттæ биавтой Черменыхъæуы дондзæуæны хай

Доны куыстуаты специалисттæ биавтой Черменыхъæуы дондзæуæны хай, ацы ахджиаг объект донæй æфсады Черменыхъæу, Куырттат, Дачное, хайгай Камбилеевкæ æмæ Октябрскæ. 50 азæй фылдæр ноггонд нæ уыд. Специалисттæ къæпхæнгай кусынц æппæты хæлд уаццæгтыл. Ныридæгæн баивтой æндон хæтæлы 208 метры, йæ диаметр 315 милиметры, сты нырыккон полиэтиленæй, уыимæ ма дыууæ ихсыд æхгæнæны дæр. Бынаты кусынц 20 адæймаджы æмæ сæрмагонд техникæйы иуæгтæ. Специалисттæ æрвылбон архайдтой æхсæвмæ, цæмæй цæрæн пунктты тагъддæр сног кæной хæрзхъæд донифтонгад.