Дзӕуджыхъӕу чингуыты дунейы аныгъуылд. Горӕт сбæрæг кодта акци “Библоночь-2026”. Фӕзуат сси Национ наукон библиотекӕ. Бӕрӕгбоны программӕ райдыдта “Библиосумерки”-йæ — ӕппӕты кæстæр уазджытӕн. Сывæллæттæн скодтой аквагрим. Сабитæ архайдтой мультмарафоны ӕмӕ бакастысты “Гора самоцветов”-мӕ. Иугонд “Талатæ”-йы ӕвзонг курдиӕттӕ равдыстой Уӕрӕсейы ӕвзӕгты тыххӕй программӕ. Залты цыдысты патриотон викторинӕтӕ ӕмӕ дунейы адӕмты литературӕйыл афӕлгӕстытӕ.
Горӕты музыкалон скъолатӕ уазджытæн балӕвар кодтой бӕрӕгбоны концерт “Зæрдӕйӕ зӕрдӕмӕ”. Уӕлдай ӕргом — поэтикон микрофонмæ. Алы адӕмыхӕттыты минæвæрттæ кастысты ӕмдзӕвгӕтӕ сӕ мадӕлон ӕвзӕгтыл. Стӕм чиныджы фонды ӕмӕ кӕсӕндӕтты — скӕсӕйнаг клуб ӕмӕ интеллектуалон квиз. Бӕстӕзонӕн хайад та уазджыты ӕрбамбырд кодта литературон изӕрмӕ. Программӕ фӕци ирд “Культурон микс”-æй. Бӕрӕгбоны фæрцы иу фæзуатыл баиу сты алы фӕлтӕртӕ ӕмӕ дӕсныйӕдты сæдæгай минæвæрттæ. Акци ногӕй равдыста кӕсыны ахадындзинад нырыккон ӕхсӕнады.
